المرأة في المترو !

كتير مننا بيركب مترو الانفاق وطبعا مترو الانفاق في مصر حاجة تانية غير مترو الانفاق بتاع اي دولة تانية .والدليل علي الكلام اللي بقوله هو عربية " الحريم " يعني بلغة المثقفين عربية السيدات .، أول حاجة نفسي افهم ياناس يعني ايه كلمة " حريم " جايه منين الكلمة المتخلفة ديه ؟؟؟!! ملهاش حل غير حريم جايه من الفعل حرم يعني حرام . طيب لو فرضنا ووحاد زكي شوية قال هم الجنس اللي حرمهم الله علي الرجال خارج علاقة الزواج يبقي كده انت ياعم الفهلوي حريم !!!

ليه عشان انت برضه متحرم عليهم إلا في نطاق الزواج وبعدين هو خلاص العلاقة بين الراجل والست اللي هيه الحرمة بمفهومك مقتصرة علي العلاقة الجنسية والشهوة المتبادلة سواء في الجواز او خارج الجواز !!!!

وبعدين يعني بتزعل اوي لما تلاقي ست أو بنت راكبة عربية" الرجالة " افهم انا بقي مين قال ان المفروض في عربيات رجالة وعربيات ستات هو احنا مش بني ادمين وخلاص وبعدين السيدات ليهم كام عربية في المترو ؟؟ اثنين والباقي مش بتوعك يا عم انت وتقدر تركب فيهم ايه بقي المشكلة لما اختك المواطنة تركب عربية غير الاثنين المخصصين للحشر النسائي ؟؟ هو خلاص مكتوب علي المرأة المصرية ماتشوفش رجالة ولا تركب معاهم وسيلة مواصلات ولا يكون فيه ادني معاملة إلا في العلاقات الجنسية ؟؟؟

وهل كل واحدة تركب العربية اللي انت بتسميها عربية الرجالة تبقي منحرفة ومنحلة ؟؟؟

اخر سؤالين هو السيدات مش مواطنين ليهم عقل وروح ونفس وبيدفعوا ضرائب زيهم زيك ايه اللي مزعلك ؟؟

والستات اللي بتركب معاك مش هم اخي واختك امي وامك جدتي وجدتك ولا هم مخلوقات فضائية نازلة عشان تقومك من علي الكرسي ؟؟؟

يا أخي مش عايز تقوم متقومش ... يا باي ...

أنا و زمان ..

ممكن اكون بكتب الموضوع ده وانا شوية مكتئب او حاسس بندم علي اللي فاتني او زعلان لاني كان في ايدي حاجات كتيرة كان نفسي اعملها ولكني ما

عملتهاش....

والسبب هو أنا ممكن ايوه انا ساعات بقصر في حق نفسي.

زمان يعني كنت ممكن ابقي لاعب كبير في كرة اليد ايوه انا كنت بحب اللعبة ديه جدا وكنت موهوب فيها جدا لكن انا مسمحتش لنفسي ابقي كده ....

كنت ممكن اسافر امريكا اشتغل زي ما أنا كان طول عمري نفسي اعمل ولكن برضه ماسفرتش ليه عشان انا سمعت كلام الناس برضه انا دائما ضد انا ...

وحاجات كتيره كنت ممكن اعملها وكنت عاوز اعملها بس انا كنت ضد انا ..

ولكن ما تفتكرش ان المشكلة في" انا " بس الموضوع اكبر من كده ممكن يكون داخل فيه ظروف مجتمع وطبعا ماتنساش ان الانسان مننا بيتفاعل مع مجتمعه في نطاق ظروفه المحيطة .. ده يقول كلمه تسمع له ... دول يقول كلمه ويفضلوا يزنزا تصدق ..

لكن ارجع في الاخر وأقول ان العيب الاول الاخير كان في انا .

لاني مادفعتش عن نفسي انا اتنزلت عن معتقداتي واهدافي عشان خاطر الناس وده ما يمنعش ان الظروف كمان كان ليها دور معايا مش مهم ..

المهم انك تعرف انك عاوز ايه .. حارب عشانه ايوه حارب زي ما بتحارب عشان تدخل الاستاد...

زي مابتحارب في طابور عشان تدخل السينما او حتي تجيب رغيف عيش ..
حارب عشان اهدافك .. اهدافك بتاعتك مش بتاعة الناس ... مقتنع اشتغل عشان تحقق اقتناعك ..

نجاحك مسؤليتك انت .. انت المسؤل عن تحقيقه ..

اوعي يجليك احباط ....وقعت قوم ....

مرضت شوية مسيرك هتخف ... وفي الاخر احب اقولك كلمة ..

" حلمك انت اللي حلمته وانت اللي هتحققه "

الشارع واللي فيه ..

ده مش شارع في فلسطين ولا شارع في العراق ولا كمان افغانستان

ده شارع في مصر ..

الحكاية واللي فيها ان مصر فيها عربيات رش عشان الناموس ...

السبب في وجود العربيات كمان عشان العبيط ما يتحرمش من انه يجري وراها ...

السبب كمان أن الموطنين اللي عندهم حساسية يرتاحوا خالص ..

مش مهم مين واقف المهم ان اللي واقف انسان وده اكبر ضرر عليه ..

وعلي راي محمد ناصر " يبقي انت اكيد في مصر"..

ثانوية مدرسة سيناء الثانوية ..!!

لا أعلم ما الذي جعل اسم سيناء يتردد في اذني فلسنا فس شهر اكتوبر او شهر رمضان وبالتالي يلا توجد حفلات تحرير سيناء التي يمكن ان يطلق عنها " موالد سيتاء " وذلك بسبب كون الاحتفال وتذكر تلك القطعة من الارض المصرية مقتصر علي يومين في السنة وفقط مثل اي مولد من الموالد التي تعقد في وقت محدد ثم تنفض وكأن شئ لم يكن ، حتي طريقة الاحتفال لا يشعر بها اغلب المواطنين واكاد اقول كل المواطنين .
وهنا اتذكر يوم ان سمحت لي الاقدار ان اخطو علي هذه القطعة من الارض فهنالك شعور غريب يكتنفك وانت تعبر وتصل الي هذه الارض وهنا يجدر بنا ان نسال سؤال مهم لماذا قاتلنا وقتلنا من اجل هذه الارض ماذا يعرف المواطن المصري عن سيناء سوي انها مهد للديانات فهل هذا كل شئ ، نعم يمكن ان يكون هذا الجهل ما هو إلا نتاج ثقافة ضحلة يتفرد بها مجتمع يري في القراءة نوع من الرفاهية يري في المعرفة نوع من الرفاهية الزائدة التي لا ضرورة لها مأساة بكل المقاييس أن يكون الانسان الذي اثري العالم واثري الحركات الثقافية والعلمية ان يصل به الامر ان لايدري معني وقيمة جزء من وطن أو وطن بأكمله ..
فالذي يحب الوطن يعمل من اجله والذي يحب سيناء فليعمرها ويبنبها ويتوقف عن الكلام والاغاني
لقد وصلت علاقنا بأرض مصر وخاصة أرض سيناء الي علاقة لا تتعدي علاقة التلميذ
بمدرسة سيناء الثانوية

حكاية 576 ساعة

سؤال مهم ممكن يكون عبيط بس خليك معايا وفكر . الناس في المترو أو وسائل المواصلات بتعمل ايه ؟؟ سؤال مهم تقولي ليه ؟ عشان لو فرضنا أن المواطنين المصريين بيقضوا في وسائل المواصلات ساعتين يوميا - مجرد فرض - ولمدة ستة ايام في الاسبوع ،

يبقي كدة المواطن المصري بيضيع 12 ساعة في الاسبوع يعني 48 ساعة في الشهر في المواصلات يعني576 ساعة في السنة في المواصلات .

تعالوا بقي كدة نشوف ال 576 ساعة بتتقضي إزاي ممكن واحد تلاقيه ثقافته عاليا وبيقرا اخبار الرياضة .. ومش بيقهم حاجة غير الرياضة يعني576 ساعة في السنة رياضة يعني خلال السنة راسه ممكن تتحول لكرة كفر..

واحد تاني بقي مختلف تماما كل اللي بيعمله واقف بيدور علي الجنس الاخر عشان يعاكسه ويتفرج عليه ويا سلام لو حد منهم ركب معاه تلاقي اعراض التحول تظهر ويتحول نظراته إلي نظرات نارية والمشكة الاظرف انه يبصلك ويعمل كأنه مافيش حاجة ..يا ولد ..عيب عليك... علي عمو برضة ... يعني راسه تلاقيها اكبر من اكبر كتاب جنسي نزل في العالم وبكده يكون قضي 576 ساعة من عمره في البصبصة ..

و الاغلبية العظمي بقي تلاقيها واقفة كده مابتعملش حاجة غير انها بتتفرج علي بعض .. ناس واقفة مفيش منها اي فائدة كل اللي قادرين عليه واقفين ، وبالتالي ظهر تأثير الحالة علي مستوي الذكاء المصري ... تخيل انت 576 ساعة في السنة المخ كل الللي بيعمله يسرح!! .. مما قد يولد حالة من الغباءوالعته الشديد ..

اما الشباب علي طول مختلف تلاقي السماعة في الاذن وسلوكها ما تقدرش تحدد نهايتها والشاب واقف بيسمع إيه ؟؟ . أكيد المطرب المتهرب من الجيش ولا المطرب بتاع هالة وممكن كمان يتعطف علي اللي حواليه ويسمعهم غصب عن عينهم معاه ...

وتلاقي مجموعات سواء من الشباب او الكبار واقفين بيرغوا وينموا يتكلموا عن محمد وجورج والسياسة والاقتصاد و كثيرا ما يكون الحديث عن الدين ..اللذيذ في الحوارات ديه انك تلاقي الكل بيتكلم في اي حاجة بدون ثقافة كله بيفتي سمع كلمتين من واحد قبلة بيرددهم في نفس الموضوع حوارات غبية ونميمة بدون معني ولا هدف لها ولا خلفية ...

واخيرا تلاقي واحد لابس ابيض في ابيض ماسك القران في ايديه وعمال يقرا بصوت عالي أو لو مش في ايديه تلاقية عمال يحرك فكيه قال ايه الواد حافظ حتي المسحيين يمسكوا كتب الصلوات بتاعيتهم ويقروها في المواصلات، يعني خلاص التدين متمكن من الشعب ده وتلاقيهم هم هم الناس اللي بتاخد رشاوي وعمرها ما اشتغلت بضمير وذمة .. مأساة بكل المقاييس ..

وبكده اكون نقلت ليكم صورتكم وانتوا راكبين المواصلات خلال 576 ساعة في السنة بالذمة ده كلام ياراجل ... شوف كام ساعة من عمرك هتقضيها في المواصلات ليه بقي تسكت وتستسلم للسلبية وتهرب من تحمل مسؤلية نفسك !!!!!

...... كان معكم مصري وبس من اي وسيلة مواصلات ....

لا تعليق .. الامير هاري يعود من افغانستان !

نقلا عن موقع bbcarabic.com
يتوجه الامير هاري الى بريطانيا عائدا من افغانستان التي خدم فيها في صفوف الجيش البريطاني في اقليم هلماند لمدة عشرة أسابيع.
وكان هاري يخدم في افغانستان سرا حتى كشفت أمره بعض وسائل الاعلام الامريكية، ثم تقرر سحبه من افغانستان خوفا من ان يستهدفه مقاتلو طالبان.
وسيحط هاري الذي قال انه استمتع بالابتعاد عن بريطانيا وصحافتها بقاعدة جوية لسلاح الجو البريطاني.
وقبل انسحابه من افغانستان، قال الامير، وهو حفيد الملكة اليزابيث الثانية والثالث في الترتيب الى العرش البريطاني، "لا اريد قضاء وقتي جالسا في قصر ويندزور لانني لا احب انجلترا كثيرا، كما انني احب الابتعاد عن الصحافة."
والامير هاري عائد برفقة جنود آخرين انقضت مدة خدمتهم، بعد ان سحب من مكان عمله الى قاعدة للناتو بامر من وزارة الدفاع البريطانية.
ووصف وزير الدفاع تسريب خبر وجود هاري في افغانستان بالمؤسف، لكنه قال ان القادة العسكريين كانوا مستعدين لهذا السيناريو.
وقال المسؤول ان القرار اتخذ اولا لان التغطية الاعلامية التي من شأن الامير ان يحظى بها كانت لتشكل خطرا على رفاقه وعليه شخصيا.
وكان الامير هاري وزملاؤه يرابطون بمدرسة قرآنية سابقة، وكان من مهامه استدعاء غارات جوية وتحديد اهدافها والخروج في دوريات راجلة.
وقالت الملكة اليزابيث الثانية خلال حفل تدشين مؤسسة خيرية الجمعة ان حفيدها "قام بعمل جيد في ظروف صعبة".
ويعتقد ان خبر وجود هاري في افغانستان تسرب اول الامر الى صحيفة استرالية في يناير كانون الثاني لكنه لم ينتشر حتى وقع بين يدي موقع "درادج ريبورت" الامريكي على الانترنت.
اما بقية وسائل الاعلام، فاتفقت مع وزارة الدفاع البريطانية على عدم كشف الامر، مقابل امكانية التحدث الى الامير وتصويره في افغانستان.
وهذه ثاني ضربة يتلقاها مشوار الامير هاري العسكري، حيث الغي قرار السماح له بالذهاب الى العراق في آخر لحظة العام الماضي خوفا على سلامته.

نقلا عن موقع bbcarabic.com

ما بين الصحافة والعقيدة واللاعب المؤمن

لقد مر علي انتهاء البطولة الافريقية وفوز المصريين بها اكثر من عشرة ايام و ما من مصري يستطيع أن ينسي الحالة الوطنية والمشاعر الفياضة والقلوب التي كانت تنبض علي انغام النشيد المصري ؟؟!! وما من مصري يستطيع ان ينسي شوارع المحروسة وهي تموج تيمنا وهياما في حب الوطن ؟؟!! من منا لم يقفز تحفزا لتمريرة زيدان؟!من منا لم يقفز فرحا بهدف الموهوب الهادئ ابو تريكة ؟؟!! من منا لم ينتشي بهذا الفوز المصري الخالص ؟ من منا لم يشعر بالفخر والعالم كله يتحدث عن التجربة المصرية ؟ لقد كانت تلك البطولة بالفعل حدوتة مصرية ...
مرت الايام وكلنا في حالة فرح غير عادي ولكن للاسف لم تدم تلك الفرحة كثيرا لنا جميعا فقد خرج علينا العديد من الصحفيين والنقاد والمحللين بأفكار تبعث علي الشك في مستوي الصحفين والمحللين الرياضين ومستوي ثقافتهم واستنارتهم فتارة تري قائل أن " الانتصار الذي حققه المنتخب المصري هو انتصار عقيدة وإيمان قبل أن يكون فوز كروي "
مأساة بكل المقاييس عندما يتم الحديث الاعلامي علي هذا المستوي من الجهل وهذا المستوي من الفكر فكيف استطاع ذلك الفاضل اختزال العقيدة في فريق لكرة القدم ؟؟ فهل من عاقل يقبل بذلك ؟؟؟؟؟!!!! هل اصبح الهاجس الديني اكبر من ندرك قيمة العقائد والاديان علي مختلف مذاهبها واتجاهاتها فبكل بساطة هل يمكن لنا القول ان العقيدة الاسلامية(مصر ) قد هزمت من العقيدة المسيحية ( فرنسا ) في ديار فرنسا بخمسة اهداف مقابل لاشئ !!!! غير ممكن وغير مقبول ...
هل ممكن ان نقول ان فشل النتخب المصري في التأهل الي كاس العالم بسبب ضعف في العقيدة ...!!! هل اصبحنا نتحدث لكي نرضي الثقافة والطبقة الشعبية التي تحتاج الي طبقة مثقفة مدركة حكيمة تقود هذه الجماهير... اي عبث هذا ....
هل يمكن لنا ان نطلق علي لاعب انه الاعب المؤمن ولاجل ذلك قد حققنا الفوز.. هل مولانا الشيخ هذا هو الذي كان يرسل القوات السمائية التي تلعب وتحرز الاهداف؟؟!! هل بركاته هي التي صنعت هدف الفوز بالبطولة!! أم ان كان هناك لاعب مقاتل اسمه زيدان ..
هل حسن شحاته هذا كان رجل طيشة مالوش لازمة عشان بركة الاعيبة هي اللي جابت الفوز ولا خطط بقي ولا لا حاجة اسمها علم التدريب ولا اي حاجة كلة بسبب بركات لاعب او كل اللعيبة أي منطق هذا أين الجهد والعمل والتفاني تلك القيم الانسانية اين اليس للعلم دور... الا يمكننا القول ان الاتزان الروحي للاعبين ساعدهم علي اداء مباريات دون ضغوط مضرة واثقين ان تلك القوة الالهية التي يؤمنوا بها سوف تعطي لهم ما هو خير لهم ..وفقط .. فلنكف عن المبالغة وتضخيم عامل الاتزان الروحي وتجاهل بقية العوامل ...
فالنضع المور في حجمها الطبيعي ..
واخيرا لكل من يصر ان يفكر بهذا الاسلوب ....
لماذا لم تفوز السعودية أو الفاتيكان أو إسرائيل بكأس العالم لاي من الالعاب للكبار؟؟؟؟!!!
فهل كل هذه العقائد التي تعتنقها الدول علي ضلال ؟؟؟!! بالطبع لا ........

تعاطفا مع الشعب المصري 1

انهارده يا جماعة يوم تاريخي ورياضي يمكن يكون وصل بيا إلي مستوي المنافسة علي ميدالية ذهبية في بطولة بكين الاولمبية القادمة..
إزااااي؟؟؟!! هقولك انا ياسيدي الحكاية من أولها ...
نص بيان ألقته أنا علي نفسي بمناسبة بداية الترم الثاني من الدراسة :
" بسم الله الذي يرعي كل صنوف البشر ويحافظ علي سلامة طبقات الشعب الكادحة .. إن هذا الترم من العام الدراسي كان لابد له ان يشهد نقطة تحول هامه في تاريخي كمواطن مصري ، فقد قررت أن اتنازل كليا ونهائيا عن جميع وسائل الراحة المتعلقة بوسائل المواصلات والمتمثلة في عدم الاشتراك في خدمة الباص التي تقدمها الكلية، وبذلك يتوجب علي ان اعود الي صفوف الجماهير المصرية الكادحة في سبيل البحث عن استقلال وسائل المواصلات المناسبة والمطلوبة وان هذا القرار نهائي لا رجعة فيه
والله ولي التوفيق "
ومن هنا ياجماعة بدأت الحكاية كل يوم كنت بنزل في ميعادي - بدري حبتين - وكانت وسائل المواصلات شبه سهلة وآدامية
انهاردة بقي اتأخرت حوالي نصف ساعة عن ميعادي المعتاد نزلت حوالي الساعة 7،5 صباحا متوجها إلي وسيلة المواصلات الاكثر شهرة وهي المترو وكانت معايا تذكرة كنت قاطعها قبل كده وبالتالي موقفتش في الشباك وقفت علي محطة المترو بتاع دقيقة كده لاقيت الناس كترت! قلت ياواد طنش خالص ..إن شاء الله تركب المترو وتروح زي ماأنت عايز لحد كده الامور بيس-peace - بالنسبة ليا
حبتين كمان الناس كترت اكثر !!! قلت ياواد طنش خالص.... والمترو متأخر والناس عماله تزيد المحطة زحمة موت وكما إيه اللي بيغظني اكثر تصرفات بعض الشباب الللذيذ اللي طبعا كلكم عارفينهم......هيه هيه هبه... ياه المترو جاي مافيش مشكلة الناس كلها هتركب بس من غير ما نزق ونضرب بعض المترو جه وفعلا عمكو مازقش حد واستني لحد ما الناس نزلت والناس ركبت وببص لاقيتني واقف علي الرصيف وكل اللي علي الرصيف ركب وما فيش مكان في العربية الناس وقفة علي خط الباب ..يا جماعة حبة جوه عايز اركب.. ولا حياه لمن تنادي .. يا جماعة ده انا مارضتش ازق وعملت زوق !! مش قضيتنا هذا كان رد الشعب رد الشعب قلت خلاص استني المترو اللي بعده .... قعدت والحمد لله المكافأة كانت سمائية ومافيش يدوبك.. مترو جاي وراه علي طول الحمد لله اشكرك يا رب اكيد فاضي .. وقف المترو بصيت لاقيت المترو زحمة برضه يمكن زي الاولاني .. قلت لنفسي سيبك ياواد من حبتين التحضر اللي عملهم لازم تركب حشرت نفسي وزقيت الناس ووقفت علي خط الباب( علي نفس الخط زي اللاعب الغير متسلل) وبالعافية الباب قفل بعض ما اتخبط في دهري مش مهم .....المترو كان الجو نار كأنه بالصلاة علي النبي كده صوبة يتزرع فيها محاصيل الصيف!!!! والالذ ان الناس محدش طايق حد وطبعا عمكم مطنش وعمال اقوم بحركات مناورات عشان الناس اللي طالعة واللي نزلة وكانت اصعب المناورات اللي تتعلق بالسيدات اللي طالعة واللي نازلة !!! كانت مناورات محتاجة لمهارات.. ووكانت ولا مناورات الخليج والنجم الساطع ما علينا ما انا الغلطان اني نزلت متأخر
نزلت محطة منشية الصدر وماقولكوش علي كمية البشر كنت ماشي جنب حرف الرصيف وبيني وبنكم كنت خايف لو حد لمسني حبقي تحت ربنا ستر وعدت علي خير وخرجت من محطة المترو وكلي ثقة ان المعاناه خلاص وباذن الله اركب اتوبيسي المفضل.. ولكن جاءت الرياح بما لا تشتهي السفن .. خرجت من محطة المترو وخير اللهم اجعله خير كده زي ماتقول ..شايف زي رصيف مليان كمية بشر رهيبة وكانوا كلهم باصين اخر الشارع . استنتجت بذكائي ان البشرية ديه مستنية اتوبيسات زي انا الغلبان !! وقفت مع الناس وقلت اكيد الاتوبيسات متاخرة وهاتيجي ورا بعض والناس هتقل والرصيف يخلالي.. عشان اركب اتوبيسي المفضل وفعلا لاول مرة في هذا اليوم الموعود النبؤة تتحقق والاتوبيسات هلت ورا بعض و الناس اللي كانت واقفة علي الرصيف الحمد لله قاموا بتمارين الصباح تحت اشراف عمو سائق الاتوبيس !! وبرعاية هيئة النقل العام الراعي الرسمي للمواطن المصري الرياضي ولكن للأسف .. ببص حوليا لاقيت ناس اكتر من الناس الاولانية واقفة علي الرصيف مستنية ..وكنت واقف بسلي نفسي بيني وبين نفسي بضحك علي الناس اللي بتجري واللي بيزق واللي بيقعواللي واقف علي الباب اللي قدام المخصص للنزول وبيتوسل للسائق انه يفتحله وعمو السائق عامل عبيط مش واخد باله كوميديا الموقف فعلا- تقول ايه عدواني بقه - .. وفجأة اتوبيسي المفضل جاي والرصيف زحمة والناس مستنية لاقيت نفسي لا اراديا بجري ورايح ناحية اتوبيسي المفضل ....
بس يا جماعة فمنذ أن رأيت اتوبيسي المفضل من أول الشارع انجذبت إليه انجذاب الحديد الي المغناطيس فمع وجود جماهير غفيرة تعمق هذا الاحساس جريت والاتوبيس المضل لم يقف ولكني للاسف لم انجح فالجماهير قد ركبت قبل ان يتوقف بعدين انا بقي قلت ايه خلاص ان شاء الله اركب الاتوبيس المفضل اللي بعده .... مطولش عليكم قول طول .... جه التاني جريت برضه وراه مديت ايدي امسك الحديدة اللي علي الباب عشان ادفع نفسي في الاتوبيس اني اقترب تماما فالمسافة اقل من متر وتقل وتقل همسك خلاص ...وبعد ما كنت خلاص فجأة لاقيت زميل من قوي الشعب المكافح اداني كتف كتف مش قانوني بعدت عن الباب والناس كلها اتشعبطت وانا مش عارف اركب وواقف بره الباب واصرخ ياجماعة وسعوا ادوني فرصة .. عايز اركب .. رجلك ياكابتن شوية .. والاتوبيس ابتدي يسرع . وانا بهادي ياجماعة ,وللأسف مافيش جماعة .. وماركبتش برضه.. الدم ماضربش في نافوخي ولا حاجة كل اللي عملته اني وقفت علي الرصيف زي الاهبل عمال اضحك علي نفسي وعلي الناس اللي حوليا... فكرت اني اركب المترو واروح اركب من حتة تانية وفعلا نفذت الفكرة لكن بعد ما فاتني أو بصراحة ماعرفتش اركب عدد اتنين اتوبيس وبذلك يكون العدد 4 محاولات فاشلة في استقلال وسيلة مواصلات ممكن تقرا وتقول اني ببفشر عليكو لكن بأمانة هوه ده اللي حصل ...
ورحت ركبت المترو عشان انزل العتبة واخد الاتوبيس المفضل بعد مايفضي ركبت المترو بدون معاناه هذه المرة كان فعلا فاضي مصدقتش نفسي واعصابي ارتاحت شويه نزلت محطة رمسيس دورت علي الخريطة المتعلقة وفعلا لاقيتها والحمد لله ..بس كانت ممسوحة تماما " من فضلك لو سمحت هو محطة العتبة اتجاه شبرا ولا الجيزة " كلمة طلعت مني لمواطن زميل كان مستني علي المحطة وجاء الرد اسرع مما اتوقع " لأأأ اتجاه الجيزة طبعا " ..نزلت وركبت زي ما الزميل قال.. قرأت المحطات إيه ده ده العتبة اتجاه شبرا وجريت ناحية الباب عشان انزل ولكن.. ..كان الباب كان اسرع مني.. رحت مسرة ورجعت تاني للعتبة وأنا كلي احباط وركبت من هناك اتوبيس مش مفضل وقلت انزل واخد التوبيس المفضل وطبعا الامر ماخلاش من محاولة فاشلة أخري طبعا في ركوب اتوبيسي المفضل ....
وطبعا رحت الكلية متأخر بس ماقولكوش ضحكت ضحك علي نفسي و أنا عمال احكي لاصحابي عن اللي حصل وفجاة اتنكدت واكتئبت مش عشان البهدلة اللي شوفتها.. عشان صورة الراجل العجور.. واللي كان عنده اعاقة جسدية... وهو مش عارف يجري ويركب والاصعب من كده ان الناس كلها كانت بتزقه وتخبطة.. وكان ناقص يدوسوا عليه.. و هديت شوية وشكرت ربنا لانه انقذه من البهدلة و ناس اخدت تاكسي وركبوا هذا العجوز المسكين معاهم ...
ورحلوا وتركوا وراءهم العديد من الاسئلة التي لا نريد نحن الشعب ان نجيب عنها ...

تعقيبا علي مانشر بمدونة بنت مصرية ..

تعقيبا علي مانشر بمدونة http://www.bentmasreya.net/node/96 بنت مصرية
نحن مع انه لايقبل أو يجوز ولا يصح ان يموت شعب جوعا مهما كان هذا الشعب

اولا ما حدث مع اختراق الحدود المصرية قبل الاخيرة ادي الي تهريب متفجرات الي مصر
وقد كشف الامن ان مجموعة فلسطينية هي التي قامت بتفجيرات نويبع ودهب.

ثانيا ماحدث للجنود المصريين علي الحدود امر غير مقبول فقد كان ينشر يوما ما يقارب من 30
مصاب لمدة 3 ايام - بحسب المصدر الرسمية والله اعلم - وكان كل يوم وهناك حالات حرجة

ثالثا من يمكن له ان يقنعني ان حماس فقدت السيطرة علي المتظاهرين وهي حركة مسلحة فمن هو
الذي احضر البلدوزرات واشرف علي هدم السور الحدودي

رابعا انه من غير المقبول ان يتعامل معنا اي دولة او اي حركة بسياسة الفرض والاجبار فمصر اكبر من ذلك

خامسا انه من غير المقبول دخول اسلحة واحزمة ناسفة وقنابل يدوية الي الاراضي المصرية احنا مش ناقصين

سادسا من غير المقبول ان يتم رفع العلم الفلسطيني علي الاراضي المصرية تحت اي مسمي

سابعا من غير المقبول ان يتم النصب علي المصريين باستخدام العملات المزورة او بغيرها من الاساليب

ثم ان دماء ابناء واجداد المصريين التي سالت علي الرمال المصرية من اجلنا نحن ومن اجل استقلال تراب الوطن فلا يمكن لنا الان ان نسمح للحركات ان تتحكم في تراب هذا الوطن أو ان تسول لنفس اي إنسان غير مصري ان يفرض نفسه علي هذه الارض فإذا ارادت حركة حماس العمل علي مساعدة الفلسطنيين لحلت مشكلة وازمة معبر رفح مع حركة فتح .
وبالنسبة لموضوع الغاز المصري الي اسرائيل فإن اسرائيل لم تدخل بماكيناتها وتفرض علينا تصدير الغاز فهي علي الاقل لم تتوغل داخل حدود السيادة المصرية مع اعترافي الكامل انه كانت بلا شك ضغوط علي الحكومة المصرية في هذا الامر واخيرا إن كنا مقتنعين أن القرار المصري غير مستقل وغير حر فهل لنا ان نسمح بالتدهور اكثر؟؟ وان تكون هناك عدم استقلال واحترام للسيادة للاراضي المصرية؟؟ هو احنا غاويين نرجع للوراء؟!