ايه رأيك نخلي الكلام واضح أولا :سؤال بسيط هو عمرو خالد مش رجل دين من الدعاه الجدد يعني رجل دين في الاول والاخر درس الفقه والشريعة وتفاسير القرأن الكريم وقضي عمره في مزيد من هذه الدراسات الدينية ؟إيه هي مؤهلاته كرئيس دولة ثم أن عمرو خالد ناجح جدا كخطاب ديني استطاع الوصول لشريحة كبيرة من الشباب ورغم ذلك ياريت نعرف ايه خبراته السياسية وإيه نجحاته السياسية وإيه موقفه من قضية مصادر المياه ؟ وما موقفه من قضية الامن القومي المصري سواء في السودان أو ليبيا أو علي الحدود الفلسطينية؟ إيه موقفه من مشكلة الطاقة ؟ ما موقفه من إيران واسرائيل ؟ إيه موقفه من الزيادة السكانية ؟ إيه موقفة من علاقة الاقتصاد المصري بالاقتصاد الامريكي ؟ إيه موقفه من الاتحاد الاوروبي ؟ما هو الهيكل الاجتماعي الذي يتمناه للدولة وكيف سينفذه؟ بإختصار ماهي الاليات والبرامج التي طرحها ياريت تفكرني؟ وعلي أي اساس يكون المرشح ؟هل يكفي الحديث العام والكلام وبس وإنه رجل دينثانيا : لو كان الرئيس مش لازم يكون فاهم إقتصاد وإجتماع و سياسية و علاقات دولية ودبلوماسية المفروض يكون فاهم إيه ؟؟!!ثالثا : ما ينفعش نقارن مصر بأمريكا لأننا والحمد لله دولة ماشية بفكر الرئيس وماعندناش دولة مؤسسات أو مؤسسات تساعد الرئيس علي اتخاذ دحنا ياراجل الارقام والبيانات تختلف من هيئة حكومية لاخري فلازم الرئيس يكون فاهم عشان بخبرته يقدر ياخد القرار المناسب رابعا : إيه هو البرنامج والفكر والاهم الاليات اللي طرحها سواء عمرو خالد أو عصام العريان أو أبو الفتوح ؟؟ بصراحة مش لاقي غير كلام نظري عن دولة دينية مدنية لكن أليات مافيش ؟خامسا : أتفق معاك تماما ان الاخوان أكفأ مليون مرة من الحزب الوطني لكن أكفأ في الهيكل الإداري والإدارة وبس لكن عايز تعرف الإخوان وديقراطيتهم بص أقرب مثال علي أنتخابات مكتب الارشاد الاخيرة إ..ذا كانت ينفع نقول عليها إنتخابات.. وعلي فكر نجاح الاخوان فقط لأنهم أكثر الحركات تماسكا وتلاعبا بالدين سادسا إذا إفترضنا إن الاخوان قد نجحوا في الحصول علي 88 مقعد في مجلس الشعب فياريت تقولي إيه هو النجاح السياسي اللي عملوه منذ الفوز بهذه المقاعد ؟؟ بصراحة هل استطاعوا قيادة المعارضة المصرية داخل البرلمان؟ وجمعها وتشكيل تكتل قوي اما الوطني الاجابه بالطبع لا ..وما هي النجاحات ؟ ولننظر لموقفهم من 6 أبريل بصراحة انا مش لاقي اسباب ولا خبرات تخليني اقتنع بيهم وده رأي وبس مجرد رأيوانا متأكد ومتفق معاك تماما أن مصر فيها ناس كتير كويسة لكن لازم أحنا ننسي الاسماء المملة العسكرية اللي فشلت لما كانت في موقع القيادة وفعلا فيه محاولات لتفريغ مصر من القيادات ولكن واثقين أن الشمس ماحدش يقدر يمنعها تطلع في كل صباح
ليست هناك تعليقات:
إرسال تعليق